PdL 7075 – Observatoire de la qualité scolaire

mardi, 13 février 2018

Bei dësem Gesetz handelt et sech ëm eng weider Tranche vun der Schoulreform déi de Minister Meisch mat enger Salamitaktik duerchsetzt. Déi innombrabel Gremien déi am Kader vun dëser Reform bis elo scho gegrënnt gi sinn, hunn nach keng Friichte gedroen a schénge just zu der Bürokratiséiserung vum Schoulsystem an engem institutionellen Duerchernee bäizedroen. De Käschtenopwand vun dëser neier Mesure ass och net ze ënnerschätzen (1.423.000 Euro pro Joer), woubäi des Suen net do investéiert gi wou se gebraucht ginn, nämlech an der Klass, bei de Schüler a beim Opstocke vum Léierpersonal. Plus d'informations >

PdL 7008 – Prostitutioun

jeudi, 08 février 2018

Dogéint! Déi verschidde repressiv Mesuren déi dëse Gesetzesprojet fërdert fir soi-disant géint de Mënschenhandel zu sexuellen Zwecker an de Proxenitismus unzekämpfen, stellt eng lëtzebuergesch Haltung zu der Prostitutioun duer, déi op eng plus ou moins verstoppte Manéier eng repressiv Politik géint Prostituéiert an hir Client’en ënnerstëtzt.   Plus d'informations >

Neie Spidolsplang (Projet de loi 7056)

mercredi, 07 février 2018

Enthalung. De Projet a senger éischter Versioun hätt vun déi Lénk en Nee bedeit, wëll verschidde wichteg medezinesch Beräicher sou staark zentraliséiert sollte ginn, dass d’Bedingunge fir vill Patiente méi schlecht gi wieren. No enger Rei Nobesserunge gesäit d'Gesetz keng grondleeënd Verschlechterunge méi vir, mat Ausnam vun der Limitatioun bei de Spidolsbetter, déi potentiell  Schwieregkeete kéint mat sech bréngen. Eng positiv Neierung ass fir eis awer d’Stäerkung vun der demokratescher Gestioun vun de Spideeler. Mir kritiséieren awer weiderhin, dass d’Gesondheet ëmmer méi zur Wuer gëtt. Des Entwécklung gëtt vun dësem Gesetz leider net a Fro gestallt (Bsp. d'Entwécklung vun de Privatlaboen). Plus d'informations >

Pdl 7060 – Upassung vu verschiddenen extraordinäre Congésdeeg

vendredi, 15 décembre 2017

Ouni Begeeschterung : duerfir. Verschiddene gudden Ännerungen, stinn awer punktuell Verschlechterunge géigeniwwer. Am grousse Ganzen iwwerweien awer d’Verbesserungen, déi besonnesch jonke Famillje mat Kanner ze gutt kommen. Mee et ass kee grousse Worf an d’Fuerderung fir de legale Mindestcongé vu 25 op 30 Deeg an d’Lut ze setzen, bleift weiderhin top aktuell. Plus d'informations >

Pdl 7144 – Gesetz iwwer d’Erweiderung vun der A3

vendredi, 15 décembre 2017

Bei dësem Infrastrukturprojet handelt et sech em eng Tëscheléisung ouni Nohaltegkeetsfakteur, wou den ëffentleche Persounentransport eng Niewefro bleift.  Bei der Mobilitéitsplanifikatioun feelen zu Lëtzebuerg Alternativen zum Individualverkéier. Dëst ass eng Konsequenz vu feelendem politesche Wëllen, jee nodeem och zeréckzeféieren op ee liberale Wandel bei déi Gréng. Als Matleefer an der Regierung, stinn déi Gréng nët méi als Symbol vun der ekologescher Transitioun, mee als Gréngwäscher vun der Betoniséierung an dem Elektroauto. Plus d'informations >

Pdl 6844 – Ofschafe vun der Préretraite-Solidarité

mardi, 14 novembre 2017

Mat dësem Gesetz gëtt e fortschrëttleche System ofgeschaaft, den et Leit, déi jorzéngtelaang ënner oft schwéiere Bedingunge geschafft hunn, erméiglecht huet e bësse méi fréi opzehale mat schaffen. Op dem Wee konnt d’Liewensaarbechtszäit vu verschiddene Salarié’en verkierzt an de Chômage bekämpft ginn. Déi Méiglechkeet gëtt mat dësem Gesetz einfach ofgeschaaft. Plus d'informations >