PdL 6983 – Temporär Steiererliichterung beim Verkaf vun Immobilien.

Tuesday, 14 June 2016

Dogéint! Mir sinn der Meenung, dass des Mesure, ongerecht ass, wëll virun allem grouss Immobiliebesëtzer dervu profitéieren, net efficace ass, wëll se absolut keng Äntwert op d’Wunnengsnout zu Lëtzebuerg gëtt an net zur Schafung vu bezuelbarem Wunnraum bäidréit, eis potentiell vill Geld kaschte kann, während d’Immobilienspekulante sech d’Täsche weider vollstiechen. Plus d'informations >

PdL 6923 – Ännerunge fir d’Chargéen am Secondaire

Tuesday, 14 June 2016

Dofir! Och wa nach vill ze maache bleift, bréngt d'Gesetz awer eng Rei Verbesserungen. Plus d'informations >

PdL 6675 – Reform vum SREL

Monday, 13 June 2016

Dogéint! Geheimdéngschter sinn e Friemkierper an der Demokratie, wëll se gesellschaftlech Entwécklungen a Meenungen mat intrusive Mëttelen ënnersichen, wëll se Eegendynamiken entwéckelen a soumat net wierklech vum Parlament kontrolléiert kënne ginn. Plus d'informations >

PdL 6973 – Modifikatiounen un der Organisatioun vun der Justiz

Wednesday, 08 June 2016

Dofir! Mir ginn awer ze bedenken, dass déi wuessend Zuel vu Litigen an déi doduerch entstoend Aarbecht fir d’Justiz ganz vill op kleng Drogendelikter zréckzeféiere sinn. Mir hu scho widderhuelt fir eng manner repressiv Drogepolitik plädéiert. Plus d'informations >

Regierungsmotioun verhënnert CETA net.

Wednesday, 08 June 2016

„De CETA ass keen einfachen Handelsaccord wou just Tariffer oder technesch Normen ugepasst ginn, genau sou wéineg wéi den TTIP oder déi aner Fraïhandelsverträg vun der neier Generatioun. Déi zwee Accord’en kann a muss een an engem Otemzuch nennen, well se der selwechter Philosophie entsprangen an vergläichbar Dispositiounen hunn. Et sinn ëmfangräich Vertragswierker, déi sämtlech ökonomesch Beräicher erfaassen an dorobber ofzilen, eng ultraliberal Uerdnung a Steen ze meesselen.“ Plus d'informations >

PdL 6948 – Readmissiounsaccord mam Kasachstan

Wednesday, 08 June 2016

Dogéint! Réckféierungsofkommesse si generell kontestéiert, well se Deel si vun enger Strategie sinn, déi d’Verantwortung fir d’Asyl- a Wirtschaftsmigratioun op aner Länner dréckt, dat heescht op eng Externalisatioun vun der Migratiounspolitik ofzielt. Besonnesch problematesch sinn se awer, wann se mat Länner ofgeschloss ginn, déi d’Mënscherechter oder d’Genfer Flüchtlingskonventioun net respektéieren. Am Fall Kasachstan schwätzen d’UN-Berichter do eng kloer Sprooch. Donieft sinn an dësem Ofkommes och am Detail keng Garantien a Saache Mënscherechter virgesinn, wéi se a vergläichbaren Accorde mëttlerweil Standard sinn. Plus d'informations >